اديني عقلك
__________
اديني عقلك وشوف معايا
هي ايه اصل الحكاية
حكاية ابتدت بلعبه
لعبوها علينا زمان
قالو في الامتحان
يكرم المرء او يهان
حطونا في امتحانات كثيرة
تقلت علينا الامتحانات
واللي نجح عدي وفات
واللي سقط اهو مات
ضيعوا علينا شقانا
وجهلونا علشان تاريخ
بلدنا منعرفهوش
ولا ايه اللي بيحصل فيها
ولا حيحصل ايه تاني
غيروا المعاني الجميله
وحطو بدلها قصص مثيرة
ضحكوا ولعبو في عقول
الشباب اللي مهاجر واللي غاب
والستات بقت أرامل ويتمو الولاد
صحروا الأرض وجرونا للفقر جر
واتبدلت المصالح للي ما لناش
فيه صالح للي بالدولار دافع
ومين بيدفع للغلبان الشقيان
اللي من غير لقمته مافيش منام
ضحكوا علينا وقسمونا وللاغرباء
اتباعت أراضينا قال ايه استثمار
حرام عليكم بقي اتخنقنا
وفي بلادنا بالرخيص اتعبنا
كتفو أيدينا وقسمونا باسم
الفقر والاحتيال والحرمان
سميحه علي الفقي
إرسال تعليق