أنا اشتريت لى قبر
...........................
توب الكفن مغزول و أنا ليه فيه مقطع
في كل ساعه أتوب وأجهز علشان أطلع
وأزهد اللذات واستهيف النزوات
وتمر هى ساعات ولا يومين وأرجع
التوبة مش م القلب / ولا أنا اللي ضعيف
طب ليه شيطان النفس مقنع قوي ولطيف
ماقصدش امدح فيه/ ولا حتي أدارى عليه
وكل سكة ألاقيه / ناصح / يا بيستظرف
أنا إشريت لى قبر وكتبت إسمى كمان
وأتمنى لما أدخله يبقي لي نور وأمان
خايف أموت ناسى بالغفلة او عاصى
يارب خد راسى / وقلبى للإيمان
وإن كان لى ذنب ناسيه وفاتني استغفر
سامح يارب عليه وأرحمني فيه وأستر
يا احن من أمي / عشمان تلقنى
لفظ الشهادة هناك بأمانه وأكبر
إرسال تعليق