من حبك أنا تبت ٠٠يادنيا
مش أفكر فيكي ولاثانيه
ولا أزعل نفسي علشانك
مخلوقه دنيا غروره وفانيه
أبدا مش راح أفرح بيكي
لو حتى جتيني ٠٠ وبكيتي
طولك عرضك والله مافارق
راسك عندي تساوي رجليكي
لما عرفت طريقي لقيتك
طينك عمال يردم ٠٠بيتك
كنت زمان تايه في عذابك
ولقيت نفسي لما٠٠نسيتك
وهقابل نفسي ٠٠ونتصالح
ونصفي حسابنا ٠٠ونتصارح
والماضي هنسيبه في حاله
علشان رب كريم ٠٠بيسامح
بقلم / أيات علي
إرسال تعليق