دمنا بقي ميه
__________
قالوا الدم بقي ميه
قلت ازاي واحنا رضعنا الحنيه
من يوم ما اتولدنا وشربنا من الميه
من ايدين ام حنونه وأب حنون
من يوم ما شفنا النور
اتولدنا وربينا وفتحنا عنينا
جوه حضن دافيء كلامه شافي
علمونا حب الحياة والناس
والدنيا اللي من غير ناس ماتنداس
وكلنا حبايب وفوق الرأس
دخل ما بينا اللي ما يتسمو
ووجعو لنا الراس و قالو وزنو
بكلامهم المسموم ما فيش خير
ما فيش أخوة ما فيش اخلاص. .
كل جهودكم راحت بلاش
اتقسمت الدنيا دنيتين ثلاثة ..
واتفرقوا الاخوات وبقوا اعداء
واحد مؤمن وواحد كافر
مش عارفه جابو الحسبه منين
وباسم ربنا المعبود لعبوا بهم
وبعبطهم المعهود صدقوهم
وقامت القيامه والدم بقي ميه
وبانت النيه واتقسمت البلد
الواحده علي ميه وغرقتنا كلنا
في بحور الدم اللي بقي ميه
سميحه علي
إرسال تعليق