خلينى ساكت وافتكر / بقلم الشاعر يوسف الخواجه

خلينى ساكت وافتكر
آخر السكوت
مش معنى انى خلاص سكت
إنى فاشل ..أو هااموت
انا بس ساكت عشان أراقب
آخرة طريق العنكبوت
أنا لسة عايم فى بحور من الكلام
يمكن حقيقة كلها اوليل ظلام
لكن هااعيش واسبح واكافح
مش هااموت
ومهما طال الموج هااعافر
واسبح لغاية الشطوط
انا قلبى عاشق للحقيقة
ومن الألم بيقول سلام
لاحد بيمليه كلام
ولاعمره شغال بالريموت
وانتم ياللى غاويين الوعود
بين الأمل مابتسكتوش
وفى الوشوش زي الحمام
لكن حقيقى م الوحوش
وناس بتتمسكن وتركن
واما تمسك ليه بتقتل
والغلابة ليه تشوط ؟
كان نفسى ازرع ف الجناين
مش الاقى غل باين
والعريس يامصر شاري
مش بيحرق فى المداين
ياريته جاب لك
احلى شبكة
كلمة حرة
لقمة حلوة
بالعدالة
مش رصاصة
او تابوت
*******************
كلمات
يوسف الخواجه