قصيدة «جابوه ولد الملحه» شعر شعبي عراقي الشاعر المهندس سعيد ضعين الزيدي /العراق ---بغداد 13-7-2017
*******************
مرّينه بيكم حزن
وأحنه أبجي ودموع
مافرّحانه النصر
شفنه ليتامه اجوع
طرينه الگبور أبجي
نبجي بگلب مشلوع
شفنه الشباب هواي
يلطم گبر مفجوع
وچن مريم علگبر
تشعل ضوه بشموع
درّن ثدايه الوفه
تحضن اتراب الأبن
وترشه بين ضلوع
تنعه بتوالي الليل
صوت الحزن مسموع
ياخاين تراب الوطن
سمّك ولك مرجوع
غيره وشرف بيّعت
وماكو خجل منزوع
احجي يتاريخ أبخت
سطّر لبن ملحه الوفه
بساعده المربوع
واليزعل منلحجي
ميت جذع مگطوع
هذا ابن الجنوب البطل
طبّقه فتوه النجف
روّاها گاع الوطن
ولمرجعه متبوع
ماحرّرو موصل ابد
لوما حشده يفور
وبمرجعه السيستاني
كلّ الفخر مجموع
إرسال تعليق