أوعى تفكر
إنسى الدنيا وريح بالك
وأوعى تفكر ف اللى جرالك
إنسى الدنيا ..إنسى الدنيا
أوعى تفكر ف الأسعار
ولا هتضحك عليك الحمار
وإوعى تفكر ف البنزين
ولا وقعتك هتبقى طين
بيع عربيتك وارتاح
هتلاقى الدنيا براح
وخلى شعارك
إنسى الدنيا وريح بالك
هيجرى إيه ياملحوس
لما جيبك يفضى م الفلوس
ماانت طول عمرك منحوس
فلسان وجعان من يومك
ومبتشوفش الدفاإلا ف منامك
إنسى الدنيا وريح بالك
وإوعى تشغل فكرك
بأكل وشرب
لتعيا م التخمه وتطب
ومش هتلاقى علاج ف الطب
إنسى الدنيا وريح بالك
وإوعى تفكر ف فاتورة النور
لتطق وتموت محسور
وإوعى تشرب ميه
دى فيها م الأمراض 100
والفاتوره هتبقى معديه
إنسى الدنيا وريح بالك
والغاز راخر سيبك منه
ماأحلى طبخ نار الجله
وميبقاش لك حجه ولاعله
وامشى ف الشارع واتمشى
مش لازم بقى تتعشى
إنسى الدنيا وريح بالك
والمواصلات بلاش تركبها
المشى دا أصله رياضه
والغى عقلك وبلاش تفكر
وخلى شعارك
إنسى الدنيا وريح بالك
بقلم المتناسى :محمد حجاج
إرسال تعليق