كِفاياكِ
.......................هانى الصوفانى
كفاياكِ يا حبيبتى
ورتينى البدع.
ليه نتعب قلبنا
ونضيع عمرنا.
فى فلان قال
وفلان سمع.
...................
ويوم تكونى معدولة
ويوم عنى مشغولة
والضحكة تتطلع خجوله
وتسوقى فى الدلع.
......................
فكرك ليه شريد
وقلبك ليه وحيد
حقولهالك من جديد
الغيره لما تزيد
حبال الود بتنقطع.
.........................
ليه نضيع حلمنا
وبايدينا نتعب قلبنا
ونضيع سنين عمرنا
فى الآهه وف.الوجع.
..................ّ.........
انت الضحكة الجديدة
انت البسمة الفريدة
وانت فى قلبى االوحيدة
اللى من غيرها.. قلبى ينخلع.
.............................
يا ما قلت الشعر فيكى
من شوقى وحبى ليكى
ولنظرة من عنيكى
اللى بتقتل 100 جدع
................................
ابدا ملكيش بديله
من زيك بنت عيله
وكريمة واصيله
واجمل م.الجميله
وسبحانه اللى صنع
.................................
صدقينى
مفيش ف.القلب غيرك
وف.عشك انا لسه طيرِك
و ف. قدرك وف.مصيرِك
ولوطال الزمان مسيرِك
قلبك يطِمن ..وعقلك يقتنع.
................................
ليه نشمت عزول فينا
ويقول ويعِيد علينا
ونبات والخوف ملينا
دا انا قلبى ليكى مينا
لو سافر قلبك او رجع.
إرسال تعليق