صُغَيِّرين **** / بقلم الشاعر زكريا ضاحي توفيق

صُغَيِّرين ********** ِ
اِلسَعَادَة مُش بِالسنين
وَلا دَا رُفَيَّع وِ دَا تِخين
وَ لا دَا اِبن مِين ؟
وِدِي بِنت مِين؟
اِلسَعَادَة ......ضِحكِتين
*********************
شايف اِلبَرَاءَه فِ اِلعِنين؟
شايف اِلإيدين اِلفرحَانين؟
نِقدر نقول دُول تَعبَانِين؟!
يبقى مِنهم غَيرانِين!
********************
اِلشَعر شَاب واللبس دَاب
بَس اِلقلوب لِسَّه شَباب
بتدِّي دُروس لِلمُحبَطِين
اِنتَ قادر واِنتي قادره
يجمع مَا بينكم دِبلتين
أصل اِلسعَادة مُش بالسنين
************************
شايف اِلحَنَان مِن غِير كَلام
يروي اِلعيون اِلعَطشانين
رَغم الهدوء رَغم اِلسُكَات
إيد بِتدِّي والتانيه هَات
زَي اِلملايكه مِنورين
بالبراءه وِالبساطه
واللسَان مَعجون شِياكَه
تِفضَل قُلوبنَا صُغَيَّرين
********************
{زكريا ضاحي توفيق}