ليه الدم عليكم هان
سبتوا القدس ليه يتهان
رفعوا علمهم رغم عنا
فوق القبة بكل هوان
مش هيكون المره كلام
لازم فعل بكل ايمان
نحمي الاقصى ومسرى نبينا
م اللي سقونا كتير طغيان
منتظرين مين اللي يجيلكم
يحمي الاقصى م الغربان
حتى صلاح الدين مش نافع
لما لقاكم كدا خرفان
كله بيقطع من اوصالكم
والديب راعي كمان ف امان
قتلوا ولادكم سجنوا رجالكم
دم العربي بيجري طوفان
مش هنصدق انه خلاص
ضاع الاقصى وكان يما كان
قوموا وثوروا موتو دا اكرم
ان تعيشوا حياتكو هوان
واعرفوا بكره الحق هيرجع
وادينا هتفتحلو بيبان
ربك سامع هو وعارف
بس اكيد منكم زعلان
لما تسيبوا الاقصى ذليل
يبقى الدين ف قلوبكم هان
اصل الفارس صنع ايدكم
حتى صلاح الدين اهو كان
هي كرامة امة بحالها
جوه ضميرنا والوجدان
حتى اطفالكم لو تحكيلهم
راح تخلطوا حق ببهتان
شوفوا الطفل في فلسطين
والله دا عمره زاد بزمان
واقف وحده ف عز البرد
ف عز الحر ومافي امان
ماسك طوبه يدافع بيها
حتى ماهمه رصاص لجبان
والارض العربية يا امة
تلقى مصيرها ليه خزلان
لو هتسيبوا القدس لوحده
انسوا تاريخكم
وانسوا ضميركم
وانسوا كمان صنف الانسان
يبقى الاكرم ليكم ساعتها
لما تروحوا مع النسيان
بقلمي ( احمد هلال )
إرسال تعليق