منكم لله
*******
قلتوا عليا دا واد كسيب
شارب لسه شاى بحليب
وأما صرخت وقلت فطارى
قالوا بتفطر ؟
تبقى مريب
بكرة تقول الفينو حلال
وها تتعود ع البقال
تآكل جبنه ولانشو وبيض ؟
فاكر نفسك مين ياغزال
مالوا الفول ؟
كله فوايد ربى عجول
ليه تتنمرد على أسيادك ؟
رافض ليه تفضل مذلول
رب الكون قسمها شرايح
والا ها تفتى ف دى وتقول
أيوه ها أقول
أدم يملك كام فدان ؟
مين قسمها كده بجنان
مين خلاكوا علينا اسياد
وإحنا عبيد طالبين إحسان
هو جشعكوا
أما المولى بعدله وكرمه
كرم كل بنى الإنسان
لما العدل يتوه ويغيب
قول يامغيث من أى ميزان
محمد عبد المنصف
إرسال تعليق