يا رب / بقلم الشاعر زكريا ضاحي توفيق

:-* يَا رَبْ :-* ْ
****************
مِسيرهَا فِ يُوم هتِتعَدِّل
وِتُوب اِلفَقر يتبَدِّل ِ
ألاقي اِلضحكَة حَضنانِي
وِيهرَب دَمعِي فِ ثواني
وِتنزِل مَطَرَه فُوق صَبرِي ِ
تِنَبِّت كُل أحلامِي
مِسِيرهَا فِ يُوم هتِتعَدِّل
وِتُوب اِلَفقر يِتبَدِّل
تلاقي اِلخِير بِيندَهلَك
كأنه قَريب وِمِن أهلَك
يحَلِّي كُل أيامَك
يِضَحِّي بنفسه عَلشانَك
وِيقطُفلَك ثِمار صَبرَك
مِسيرهَا فِ يُوم هتِتعَدِّل
وِتُوب اِلفقر يتبدِّل ِ
أكيد رَبَّك شايلَك خِير
بلاش تِتعَب مِن اِلتفكِير
يومين نِحزَن يومين نِفرَح
سَنابِل صَبرِي رَاح تِطرَح
وِتفرشلِي طَريقِي حَرِير
مِسيرهَا فِ يُوم هتِتعَدِّل
وتُوب اِلَفقر يِتبَدِّل
********************
{ زكريا ضاحي توفيق }

ِ