ناس وناس
ناس في بلدنا عايشه ف جنه
وناس عيشتها مرار في مرار
وناس حياتها ضلمه ف ضلمه
وناس حياتها نهار ف نهار
صاحب التوكتك طلعان عينه
وصاحب المارس عامل زار
وناس تقضيها بمش وفول
وناس يوم لحمه ويوم كافيار
وناس مش عارفه تعيش ازاي
وناس عيشتها فايف ستار
ليه يابلدنا تفرقي بينا
ناس صغار وناس كبار
وليه ياجنه تبعدي عنا
واجرى وراكى بالمشوار
وشيلنا حكومه وجيبنا حكومه
وكل حكومه تجيب العار
ومفيش فايده من ورا عايده
وست عايده دي ست الدار
ندر عليا لما يجيني كام مليون
ساعتها بس راح اعمل زار
واعزم كل الناس واصحابي
ياكلوا لحمه ف الدوار
واعمل حفله واعلق زينه
واخلي الفيزا بعشره دولار
واجيب صافي ومعاها دينا
يرقصوا فيها ليل ونهار
وهبه البوهي
إرسال تعليق