قتلني الشوق
فينك دي صعبه الدنيا من غيرك
نهاري ليل وليلي وَيْل
وأي شي في غيابك
معدش جميل
وكل يوم على خدي
دموعي تسيل
وف بعادك دموع القلب تشكيلك
فينك دي وحشه الدنيا من غيرك
وانا بستنى اشوف طيفك
وبتقلب ف نار ليلك
ماتقولى امتى راح اشوفك
وتلمس خدي بكفوفك
ولو مش ناوي ترجعلي
أعدي بحور واجيلك
فينك دي صعبه الدنيا من غيرك
هقولك ايه انا محتار
وبعدك الزمن غدار
في احضانك كانت جنه
وفِي بعادك انا في النار
حبيبي ارجعلي وارحمني
انا قلبي بقى أسيرك
فينك دي صعبه الدنيا من غيرك
قتلني البعد والحرمان
انا خايف يكون قلبك
قسي وتعود الهجران
انا في البعد بتألم
بداوي ف جرح هجرانك
بقالي زمان
وخايف للبعاد اسلم
يزيد هجرك كمان وكمان
حبيبي في الفراق بعدك
منش انسان انا ندمان
على حالي يادوب بقيت
شبيه انسان
حبيبي ارجعلى وارحمني
من الحرمان
تعالى يا عمري لحبيبك
بناديلك
فينك الدنيا وحشه من غيرك
تعالى خلاص قتلني الشوق
تعالى من تعبي عايز افوق
تعالى فى حضنك ابكيلك
واشكيلك على حالي
انا بعدك فقدت كل شىء غالي
دموعي وحزني يحلالي
تعالى لقلبي يشكيلك
فينك دي صعبه الدنيا من غيرك
في بعدك مافي شىء يتحب
وايه يتحب وانا بعدك قفلت القلب
وبستناك وصابر اني يوم ألقاك
لحد اما كرهني الصبر
وانت هناك وانا وقلبي هنا
في الغلب
بنترجاك وانت بينا ولا داري
ولا بقلبي ولا بناري
عموما يا حبيب عمري
كتر الف خيرك
بقول فينك
دي صعبه الدنيا من غيرك
معدش لى فيها حبيب
وجرحي في البعاد عنك
ولا بيهدا ولا بيطيب
حبيبي بعد ما فرقنا
عايش وحدي ف حياتي
غريب
ورغم البعد انا وقلبي بندعيلك
وفينك دي نار الدنيا من غيرك
تعالى انا وانت نزرعها فرح وورود
تعالى نطير بفرحتنا نعدي حدود
تعالى نعيش حياه تانيه
نعيشها ثانيه ورا ثانيه
حبيبي لما ترجعلى
هحس ان انا مولود
وأنسى اني ياماقسيت
ومن قلبي اغنيلك
بلبل طلعت عثمان
إرسال تعليق