لانك كل ماليا
وساكن جوة ف عنيا
بقيت استكفي بوجودك
واغمض تملي واشوفك
بتوحشني
ازاي تكون بتوحشني
وجاري جوة كرات دمي
يانبض القلب وحياته
ياصوته وكل دقاته
بعيش الدنيا دي وياك
في احضانك
في احلامي
وحابة ادوب كمان ف هواك
انا منك
فصدقني
يعدي العمر يسرقني
من الدنيا
ولا منك هيسرقني
تروح تبعد
يزيد البعد ف الاشواق
واحارب دنيتي
بحالها
عشان اتهني بين حضنك
واكون وياك
ولما تاني ترجع لي
بترجع لي ضحكتي
وياك
في بعدك ببقي
روح تايهة
لا لاقية شط
ولا مرسي
وكل ماتوه بفتكرك
بنادي عليك
بصوت مسموع
واسيب دنيتي
واجيلك
في احلامنا اللي ملك
ايدينا
واشواقنا اللي ماليا
عنينا
واعيش الحلم بحلاوته
واشوف الصورة
واهي كاملة
انا وحبيبي في دنيتنا
اقصد حتة من الجنة
عاشقة فيك كل الصفات
دوبتني وتوهتني
بنظرة منك وبسكات
دخلت قلبي
وقلت عمري فيوم
ماهبعد
ضحكت عيوني
هو ازاي ممكن هتبعد
هو انت فاكرها
سهلة
كنت مستنية قربك
كنت بحلم بك ليلاتي
لاجل تيجي وتشوف
حبك
وهو مالك لي كياني
حكمت من بدري عليك
من يوم مارمتني
بنظرة حنان من عنيك
وحكمي كان عادي اوي
حكمت لنفسي
تبقي الهوا واتنفسه
وحكمت عليك بالمؤبد
جوة حضني يونسه
هناء محمود...ام عبير
إرسال تعليق