ومهما اكدب
واداري الحب جوايا
ومهما ابعد
مابتمني لعشقي انا
نهاية
بقيت مني
وانا منك
بقيت روحي
وعايشالك
بقيت سر
الحياة والكون
ومن غيرك
لا اعيش ولا اكون
فمتصدقش
كدبي عليك
متحرمنيش
من حبك
وضي عنيك
لكن سبني
حبيبي اخبي اشواقي
وسبني ادلع
تملي عليك
ومن غيرك
هيستحمل
دلعي والاعيبي
اقولك حبة بشتاقلك
وحبة اقول انا باعية
وحبة اقول
في بعدك طير
انا مكسور
قلبه وروحه والجناحين
هقولها بقلبي وبنبضي
انا عايشة
بس واتمني
يكون بين ايديك
امري
وتتحكم كمان اكتر
في روحي وقلبي
ومشاعري
انا عاشقة كل تفاصيلك
بخاف من النسمة لاتعدي
علي جبينك
بخاف من عيون الناس
لاتسيبني يوم
وتصيبك
متستهونش
بمشاعري ولا بكدبي
ده كدبي عليك
ميثاق ممضي
وكمان مختوم
بدمع العين
ومتسطر باشواقي
اللي مالها حدود
فمهما اكدب
متصدقش
ومها اصدق
متكدبنيش
سبني بقربك
وجوة منك
خليني اعيش
هناء محمود...ام عبير
إرسال تعليق