أيام،،عبدالمنعم عدلي،،مصر
أيام بتعدي علينا
وبمر الكأس تسقينا
وما شفنا حلو ليالينا
ولا فيها حلم عدي علينا
أصلها أيام
وفيها أحكام علينا
بالسجن هنعيش ليالينا
وربيع العمر يعدي
والخريف أصعب مافيها
فقر وملازم الچيب
حتي الكفن مش لينا
وبكرة التراب
يغلي علينا
كنا فاكرين إن
الناس حولينا
أتاري الناس
بيشمتوا فينا
ظلم وغدر
وقهر الرجال فينا
أصله عادي
وململم علينا
ذي شجرة حلوة
ثمرها مش لينا
أيام وبتعدي علينا
والجوع فيها مواسينا
ملعونه الأيام وأحكامها
إل بتجرح فينا
دإحنا من مولدنا
وحواية الرأس
فقر يحاكيها
وحتي يوم الممات
وهم الفقر فات
وما حد يواري السوأت
ودين الفقر ورث الأحفاد
أيام وبتعدي علينا
ومر الكأس مستنينا
وتحت التراب
والناس بتدوس علينا
بقلمي عبدالمنعم عدلي
إرسال تعليق