صرخة مهاجر
مركبنا فى البحر هــــامت
شايله اللى سايب بـــــلاده
والموجه نزلت وقــــــامت
م الخـــــوف يحضن ولاده
*****
صرخوا الغلابه وقالــو ااه
حلت شعورها الصبايــــــا
ألطف بحالهـــم يا اللـــــه
غيرك مـا يسمع ندايـــــــا
*****
شفنا الحدادى اللى حامت
تنهش جتتنا اللى عـــايمه
جثث الغلابة اللى عــامت
غطست..ما عدتش قايمه
*****
ليه يا عرب ســــــــاكتين
ع اللى بيجرى ف بلادى
على ارضهــــا ســـاكنين
والــــرعب ينهش ولادى
*****
ضاقت علينـــــــا الارض
ما بقتش سيعـــــا نـــــــــا
هتكـــوا الشرف والعرض
والدنيـــــــــا سيبانـــــــــــا
*****
دقت طبول الحـــــــــروب
بــــــــــــارود على ولادى
شفنا المحن والكـــــــروب
يا خساره يا بــــــــــلادى
*****
الحرب دى حربنـــــــــــا
دارت ف أراضينــــــــــا
وباسم دين ربنـــــــــــــــا
ننهش ف بعضينـــــــــــا
*****
اهالينـــــا سابوا البلـــــــد
شـــــايلين هموم يـــــامـــا
اخدو الرضيــع والولــــــد
ماشيين ف دوامـــــــــــــا
******
وجهة طـــــريقهم فــــــين ؟
يعلم بهــــــا المــــــــــــولى
ويخــــــاف عليهم مــــــين؟
م انتــــــــــــــــو بهم اولى
*****
شعر / محمود عوض الله
إرسال تعليق