هكتب تانى
أيو ا أنا هكتب
وأفضح كل ضلالى بيكدب
وأضرب قلمى فى عين الساكت
اللى بيخزم بدن المركب
اللى بسرق واللى بينهب
والسهتان خبير إستراتيجى
اللى يبيعنا ف لحظة ويهرب
الشيخ المتخبى فى دقنة
واللى لسانة ساعات بيكهرب
ساب الدين وقلبها سياسة
وبسحب زى التعلب
ده لو أخويا أنا هبعد عنه
لو عطشان من نيلنا مايشرب
واى مخرب نتأكد منه
نعزله زى الكلب الاجرب
أسف طبعا ع التعبير
اصل الحزن ف قلبى كبير
والشهدا أهلى وأصحابى
أيوا أنا هكتب
ولا عمرى هصقف ولا ادبدب
وهفضح كل ضلالى بيكدب
وأى وزير متخبى ف كرسى
ولا عمرة بيشقى ولا بيتعب
مش راح اخاف والكلمة سلاحى
مش راح انام انا هفضل صاحى
وهقف جنب اللى بيتعزب
ايوة انا هكتب
هرمى الخوف من شباك قلبى
واحكى بقلمى اهاتى وغلبىي
اصرخ صوت الحق بيوجع
دا الكلمة اقوى من المدفع
اصرخ يلا وخوف خوفك
اواكتب خلى الدنيا تشوفك
واملا السما ديما بحروفك
اكتب
ايوا انا هكتب
صحى جواك الانسان
واوعى تعيش زى النعسان
ميت عايش فى التوهان
لو مش عارف تصرخ اكتب
ااصحى وعارض كل جبان
بس باسلوب الفنان
اكتب واوعى تكون متعصب
إوعوا تفكروا إنى أنا غاندى
أو ثورجى ومطاوع عندى
أنا مؤسس حزب الكنبة
عايش على قدى وغلبان
لما بشوف عسكرى بتسحب
والقى مفاصلى وبطنى تكركب
واجرى واهرب زى الفار
بس الظلم دا إحساس مرعب
واللى يشوف بلدة بتتخرب
لازم بغضب
لازم يصرخ
يمسك قلمة فى إيدة ويضرب
................................رشاد الدهشورى
إرسال تعليق