فى عصر النباح لما الكلاب تنبح بلاش تتعجب
إمبارح برنامج مستضيف متحدث باسم الأزهر للرد على الهجمة المنهجة لإسقاط الأزهر كواجهة دينية للبلاد ، فكان المناظر لممثل الأزهر لواء شرطة ، تحدث هذا اللواء بكلمات قال فيها إن المسلمين لما دخلو مصر جم علشان يحموا المسيحيين أهل البلد دى وهما استقبلوا المسلمين كويس يعنى البلد دى بتاع المسيحيين ، طيب مهو مصر كانت فرعونية بيعبدو الفرعون وبعدين أصلحو موحدين يعنى مش المسيحيين أول من عاش فى مصر ، وكمل اللوا وقال كمان بتكفروهم فى كتب الأزهر ، رد الشيخ يا سيادة اللوا مش أنا الى قولت والله دا ربنا إلى قال ومن يبتغ غير الإسلام دينا فلن يقبل منه ، قالوا وانتوا فى الأزهر بتفسروها بإن المسيحيين كفار ، وكمان داعش خرجت من الأزهر وفكرالأزهر ، طيب نعمل ايه فى كلام ربنا الى قال فيه ( لقد كفر الذين قالوا إن الله ثالث ثلاثة ) وبعدين مش معنى أنو كافر فى نظرى وأنا كمان كافر فى نظره لأن كلانا لا يؤمن بدين الأخر إنى أستحل دمه أو يكون عدو لى ، بصراحة كنت فاكر إن أبو جهل كان فى عصر النبى صل الله عليه وسلم بس ، لكن لاقيت أبو جهل دا نسخة مكررة كتير أوى فى عصرنا وبصراحة كمان مش لاقى كلمة قبيحة أقولها لأبو جهل ده ، ربنا بحفظ الأزهر وعلماء الأزهر رغم كيد الكائدين وسفراء إبليس
تحياتى ، عمر جميل
إرسال تعليق