الشاعرالمصري / احمدابراهيم
* * * * * * * * * * *
قصيدة / مبروك عليكي
*************
مبروك عليكي قلب تاني وودعيني
مبروك عليكي حضن تاني واجرحيني
مبروك يادمعه
مبروك يا جرحه
كل أيامي وسنيني
كم الف حرف نازف بحزن
برد الشتا والليل ماليني
قلبك معاه حضنك معاه
وانا قلبي تاه
دايما فى وحدة
عمري دايما تسجنيني
مبروك عليكي مبروك عليكي
والبسي توب العرايس
وارقصي رقصة وداع
قلبك خداع
حضنك سيوف قربك ده خوف
شمسك غيوم رغم الظروف
قلبي ما باع مبرووووووك عليكي
الضياع في بحور غريقه واكتبي
على موج شديد
عالي وعنيد وارسمي قلبي الشهيد
متغربه شمسك وانا
باكي بدموعي ميت سنه
ميت سنه عمري انا قايد شموع
قلبك شيطان ولا ملاك
حضنك حنين ولا هلاك
مابقتش عارف مين انا
فوق السنين
ولا حتي عارف انتي مين
حان الوداع وعنيكي عني مغربين مبرووووووك عليكي الدموع
وسط الشموع المحروقين
صورة عريس فوق الجبين كنت أنا
لكن زماني مش زمانك
بيني وبينك الف عام والعمر خان
كم الف عام شاب الحنين
مبرووووووك عليكي اللي باقي م السنين مبرووووووك عليكي دمعتك
* * * * * * * * * * * *
بقلم الشاعرالمصري / احمدابراهيم
إرسال تعليق