رضينا بالغربه ...
والغربه مش راضيه
لعبه محسومه ...
نهايتها بالقاضيه
واهمين نفسنا واهمين
و نقول اننا عايشين
ملعون ابو القرشين
طول ما الحياه فاضيه
بتعدي ايامنا ...
وكلها بتوجع
و كل احلامنا ...
امتي بقي نرجع
لا ايد هنا تطبطب ..
و العمر بيودع ..
ميتها ب تعطش
و اللقمه ما تشبع
يا غربه انا صابر
بس الحساب يجمع
و هنشوف ف الاخر ...
مين ف مين قطع
بكره تتعدل والله ف بلادي
و الرزق هينادي ..
بحلم ينادي ف يوم ..
يقولي كفايه هموم
طار من هنا البوم
يلا تعالي ... ارجع
سيد صادق
إرسال تعليق