GuidePedia
محلك سر
بقلم/زهرةيونس
كومبارس صامت
في سيناريو باهت
و اسم الرواية
مجرد أفيش
وع المر ساكت
خطاوينا تاهت
في سكة ندامة
وطرحت.. مفيش
وحلم غريب
ومتغمس..
بغصة خوف
طرح شجر الأنين
... ضلة
ومدد الشوف
ماليه طعم الوجع
طارح...
مرار في الجوف
مالوش عازة
الكلام تاني
يامجني عليك
بقيت جاني
بتتألم وتتأزم
وتشتاق....
للهوان تاني
ضل سارح
جوا توهة
راضي ..تفضل
رد فعل
بكرة ضايع
مش بإيدك!
والرصيد عمال
... يقل
تباهي بملامحك
وراضي بهوانك
محلك.. سر
وانا مش هسامحك
يا مروي... ترابك
بدم ال... حر
وبستنى طرحك
في يوم هيراضيني
بورد الجناين
وبكرة .. يسر
Top
إرسال تعليق