--------- الثـــــــورة --------------
--------------------------
فى وسط الزحام وكتر الكلام
وعيـون بتحلـم تعيش السـلام
كـانت هنــاك سهــر الليـــالى
رافعــة رايــة وطــن الغــرام
وقـع فيهــا كتيـرمن الضحايـا
منهـم عيــونى وحنيــن هنـايـا
وفكـرسارقنى خـــلانى أتــــوه
معـرفشى ميــن ماشى ورايـا
الثــورة قـــامت جــوه المنـــام
روحــى قاــلت ياللـه أقتحــــام
دمـــر بعـــــاد الهجـر فيــــــا
بعـــد رحلــــة مــن الآعتصــام
ظهــرت ملامـح وسط السحاب
جمـــال بيخطــف كل العـزاب
نار تخلــى الجليـــد يـــــدوب
دليل طريقــــى وسط الضبــاب
همــس الفــؤاد ســــايق العنـــاد
أقســـم وقـــال لازم الحصـــاد
فى الحرب اللى قامت النهاردة
على المــاضى اللى كان ســواد
فيــنك يا أمـــى تقــولى يا أبنى
يا شهيد غرامك ولحضنك تضمى
مـع أبتسـامة على الشهــــــادة
والفرحــة اللى بتنزفهــا دمــــى
فى وسط الزحام ظهر السلام
جـــوه روح روح الغـــــرام
ولعاشق مــات فى قلب الحبيب
بعــــد ثــــورة حلـــم المنــــــام
--------------------------
بقلم - محمد لبيب مصيلحى
إرسال تعليق