أنا ساذج
مِستَنىِّ التوبة من قلبِك
دا حبِك كل تكوينى
ولو جرحى ما زال جرحِك
ف جرحِك عندى يكوينى
وإن كنتِ ف يوم جارحة
ف نظرة واحدة تكفينى
أنا ساذج قوى ف حبِك
وأى كلمة ترضينى
أنا ف عشقك بكون عايشك
ف حالة نقص معهودة
كاشف ف الجمال قلبك
وكل نبضة مصبوبة
ندى عشقى
دايبه جوه ذراتك
لنور حُسنك
بقعة واقفة مرعوبة
ومهما أغوص ف أحلامك
تلقانى خيال لخيالك
ف لحظة عشق مرغوبة
وانا مداوم على عشقك
وما فى حصة عدتنى
بِتقوىِّ الهوى بعزمِك
مشاعِرك جوة حِفظتنى
بغزل بالحروف اسمك
وشمس عنيكى فتنتنى
ورغم إنى بكون مكسوف
لكنى ف حالة مطلوبة
عايش فيكى على طبيعتى
وأنا شايفك بدون تجميل
سلاسل شعرك المضوية
تخلى أى قلب يميل
بلاقى فيكى طفلة شقية
بفيونكة وبضفيرة
وبكلونيا وصوت منديل
براءة عجيبة ف عنيكى
تطيب قلب اى عليل
وبِتأكد سذاجتى معاكِ
حالة غريبة مفروضة
بقلم "محمد الخضرى "
إرسال تعليق