اربع فصول،
،،،،،،،،،،،،،،،،،،،،،،
رجع الربيع وبعد مارجعتي
بيضهر بحالي بعد ما سمعتي
فصل الشتي فيي ما خلا دموع
انشالله تكوني من الشتي شبعتي
عودي لحتى تزهر اللوزه
لقعداتنا شو اشتاقت الجوزه
هونيك تا ننقش اسامينا
وبحبها تا نلعب التوزه
،،،،،،،،،،،،،،،،،،،، ،،، ،،،،،،،،،،،،،،،،،،،،،،،
لا تطولي تشرين ناطر عالبواب
وبطلتو بتطير اوراق الشباب
خلي الفرح ع دروبنا مره يجي
بيكفي شو حملوا قلوبنا هم وعذاب
خلي الشمس بالصيف تشرق عالوفا
تا يشعروا القلبين في طعم الدفا
بتفنا الدني والحب عمرو ما فني
وما في قلب بالكون من طعمو اكتفا
،،،،،،،،،،،،،،،،،،،،،،،،،،،،،،،،،،،،،،،،،
بقلمي راضي يوسف مشيلح
إرسال تعليق