تغريدة الشـــــــــــعر العربي
بقلم : السعيد عبد العاطي مبارك الفايدي
--------------------------
( مصرى شبيه الوطن ) :
الشاعر الدكتور طاهر البرنبالي " 1958 - 2017 م "
[ طلقة شـــــــــعر -------- !! ]
واقف على ضل الهرم..
قلبك على قلبي.. إيديك على إيدي.
.. نطلع لوش النشيد
***
من رمل السكة الواخد لون الصعب
من عصيرة قلب الواحد لما يحب شواشي الليل
من رعشة نشوة قلب الأم
من حلبة بز الحلم الفاير في عيون أطفال الفقرا
من بكرة صبح ماجاش ومالوش مواعيد
طالعين لوش النشيد
----------
قال عنه الشاعر الجميل سعيد شحاتة في ملحمة (الأرض لسه نشيد برنبالى ) :
طاهر حزين
والضىّ فى عيونك حزين
وردِك حزين
وشهيدك النعسان على كتفك حزين
النيل حزين
والفل فى عيون اللى بيحبك حزين
الطين حزين
والأخضر/ اليابس حزين
الحزن خيّم جوّا ناسك أجمعين
( الشاعر الجميل : سعيد شحاتة )
ما زال مسلسل رحيل الشعراء يسابق الزمن مع مطلع عام جديد يرحل الشاعر و تبقي القصيدة تعانق الزمن تنطق بوجودية الابداع الفني بين ظلال الحياة ---
أنها مأساة الشعر و الشعراء التي ظهرت جلية مع عام حزن " ديوان العرب " في انذار ينبيء عن طلسم القصيد وسط متغيرات وصراعات تؤرق كلمة تحمل دلالات الرسالة الشعرية نحو الأفق في جمال وحزن و عبقرية لها أثر فلسفي وحكمة و نبض المشاعر الثكلي ---
و اليوم نودع " طاهر البرنبالي " أحد فرسان الشعر العامي العربي ---
ابن كفر الشعر و الابداع ( محافظة كفر الشيخ " كان نعم الصديق الحميم القلب الصافي هكذا عاهدناه عن كثب ----
و لم لا و هو ـُـعتبر من رموز حركة الحداثة و التجديد الشعبي بل قاموس لتراثنا الذي يجمع بين القديم و وروح المعاصرة ---
أنه الشاعر طاهر البرنبالى أحد الشعراء الذين أسهموا فى الكتابة الجادة للشعرالمكتوب بلغة شعبنا المصرى فى حياته اليومية. كما أنه تمكــّـن من أنْ يكون له تميــّـزه الخاص، بحيث يسهل التعرف على أشعاره بدون قراءة اسمه. " طلعت رضوان "
نشـــــــأته :
----------
ولد الشاعر طاهر محمود حسن البرنبالي في (برنبال) بمحافظة كفر الشيخ في 22/11/1958. - يعمل طبيباً بيطرياً. - حاصل علي بكالوريوس العلوم الطبية والبيطرية- جامعة الزقازيق.
و هو فارس من فرسان الشعر العامي الشعبي و القريب للفصحي في يسر وسهولة وعذوبة مرآة لواقعنا يجسد أحزاننا و أحلامنا من خلال محاكاة يومية فهو صوت معبر صادق يسافر مع اغوار النفس ينشد الجمال يغني للطفولة نشيد الخلود في عبقرية ترسم الفرحة و البهجة في عيونهم في تلقائية وهذا ملحوظ ومتميز في ابداعه المتدفق هكذا تكون مناديل السعادة -----
يعانق البيئة و رائحة الارض في ظلال تنطق بليل حالم يجمع الطيور يحكي من قصص الامس
وبعد رحلة صراع مع المرض و الأوجاع يودع عالمنا يوم الجمعة الموافق 3 / 3 / 2017 م
ليظل ابداعه الفني يتوج مسيرة الانسان مع الحياة في سجل الخالدين
من أنتاجه :
----------
صدر للشاعر مجموعة دواوين من شعر العامية :
- طالعين لوش النشيد... الهيئة العامة للكتاب- سلسلة إشراقات 1989. ط 2... الهيئة العامة للكتاب - مكتبة الأسرة 2002.
- طفلة بتحبي تحت سقف الروح - الهيئة العامة لقصور الثقافة/ سلسلة أصوات أدبية 1994.
- طارت مناديل السعادة ... الهيئة العامة لقصور الثقافة 1999.
– طريق مفتوح ف ليل أعمى . الهيئة العامة لقصور الثقافة 2004
– طلعت ربيع دار الفؤاد . اتحاد الكتاب 2007
– طرطشات الذات والبنات . الهيئة العامة للكتاب
2008
صدر له مجموعة دواوين للأطفال :
-مريم وطيور الفرحة الهيئة العامة لقصور الثقافة- كتاب قطر الندي 2001.
- الشمس وردة... الهيئة العامة لقصور الثقافة- كتاب قطر الندي - شعر أطفال - 2002.
- بحر ومركب - المركز القومي لثقافة الطفل - شعر طفل 2003.
- ورد المحبة . 2004 سلسلة كتاب قطر الندى
- زغاليلو 2005 سلسلى كتاب قطر الندى
- ألوان يا عيال 2006 سلسلة كتاب قطر الندى
- مراجيح 2006 المركز القومى لثقافة الطفل
- البنت الشاطرة 2007 المركز القومى لثقافة الطفل
- فتافيت السكر 2007 سلسلة كتاب قطر الندى
- تفانين فنان 2008 سلسلة كتاب قطر الندى
- يحكى أن 2009 المركز القومى لثقافة الطفل
- مشاوير العصافير 2010 سلسلة كتاب قطر الندى
كتب أشعار العديد من البرامج الشعرية لإذاعة البرنامج العام
- شايفة الماضي بعين الحاضر
- كل يوم جايزة لمدة ثلاث سنوات الدورة الصيفية
- البنت مصرية لمدة 6 سنوات متتالية من 2003-2008 يوم بعد يوم
كتب أشعار يومية بجريدة البديل من خلال زاوية ( طلقة شعر )
كتب العديد من الأغانى للإذاعة المصرية
كتب أغانى تترات العديد من المسلسلات الدرامية التليفزيونية
كتب الأشعار الغنائية لمسلسلات الأطفال
كتب الأشعار الغنائية لبعض المسرحيات التي عرضت على مسرح الدولة
كتب بعض الأغاني لبعض المطربين والمطربات
- شاعر معتمد بالإذاعة المصرية.
مختارات من شـــــــــعره :
واقف على ضل الهرم..
قلبك على قلبي.. إيديك على إيدي.
.. نطلع لوش النشيد
***
من رمل السكة الواخد لون الصعب
من عصيرة قلب الواحد لما يحب شواشي الليل
من رعشة نشوة قلب الأم
من حلبة بز الحلم الفاير في عيون أطفال الفقرا
من بكرة صبح ماجاش ومالوش مواعيد
طالعين لوش النشيد
***
ولا واحد يقدر يخطف مني ومنك طعم الدهشه
أو تنهيدة حزن قديم
ولا يقدر يسرق ملح الجرح الغامض
أو بسمة وش انطبعت تحت جدار الشمس
ولا يقدر ياخد بهجة صخر الليل الوردي..
الساكن بطن الإيد
يا بو العيون ملو القمر أوصاف
طالعين لوش النشيد
***
للطيارات توابيت
وللسفاين اللي تغرب عمرنا توب الحداد
وللبيوت الشرق والنوار وفرحة المشمش
فل العرايس وانتصار الفجر ع السيف البليد
وم الغيطان طالعين في يوم العيد
طالعين لوش النشيد
***
تلاتين سنة.. والبحر عازب
تلاتين سنة.. والبحر يحبل بالشطوط..
والحمل كاذب
تلاتين سنة.. والبحر ما داقشي الصبا
لأن عينه قريبه م المستحيل
والناس بترمح في الوريد
طالعين لوش النشيد
***
الجرح واحد.. والجاني واحد
واللي بينسى صرخته وقت الألم.. جاحد
يا صرختين من حلق واحد
القلب عنقود الغضب طاب واستوى
واللي نوى والعزم تغريد الحديد
طالع أكيد..
طالع لوش النشيد
------------
قمر السنين ماغابش عن دارك
وماتحسبيش ان القمر بيموت
حتى الزمان الردى بالهم غدارك
ماقدرش يحبس فرحتك بالنور
ولاقل يوم ف القلب مقدارك
يانصرة القلب الكسير ف الليل
الحسن ساكن عصبتك ترتر
انتى اللى وشك جميل
أجمل من الفجر الشهى
وأرق من صبح الحليب والندى
مش قلت لك يامه كتير
مفطوم على لبن الخصام ويا العدا
قولى لابويا ان الولد طاهر
من فوق سطوح الألم حمحم بكفه للحمام غله
مسحت خدود الشمس دمعتها
هى الجريئة الجريحه.. واللى مادام عيدها
مش كان بيفرح والحماح زغاليل
قولى لأبويا
ابنك ماسابشى للغبار حبله
يرخى المدار ف الليل أو يتسند ع الحيط
ابنك من الزمن البعيد
طالع ربيع نعناع بيحب راس الغيط
وبيعشق الموال بطين أخضر
وبيستغيث بالبحر
لما النزيف بيطيش
ويرج صحن البيت.
======
• الجرح مش تنهيد
والفرح مش حنه
قمر الليالى بعيد
أرض الوصال جنه
• غيبى عليا وطولى حبه
نار اشتياقى ف الغياب بتزيد
قلبى اللى بين شعرا وأطبه
لازم يقابلك آخر المواعيد
• ماتعيطوش لو مت متعكر
انا اللى كان ضحكى رايق
تتباهى بيه الخلايق
ماتعيطوش لو مت متعكر
بكره اللسان اللى صان
يجرى عليه السكر.
• وف كل مرة تكون شهيد
شاهد وشهد وشهم شاهر شهوتك للعيد
ايه اللى خلاك النهارده تنطفى قبل الأوان
وتسرب الأحلام من بين مواجع جتتك زغاليل يمام
وركبت ليه فرس الملام ولاعدت فارس
كابسه عليك الهموم ومتلته الأسئله
كان ابقى ليك تفضل شهيد
واللا تعيش منزوف نشيد؟
مع قصيدة بعنوان ( مصرى شبيه الوطن ) :
--------------------------
إلى روح الشهيد مينا دانيال
أشعار: طاهر البرنبالى
يا مينا ضلّل علينا
وعدّ ويّا السما فـ النوَّ أسامينا
ما احناش كُتار العدد
لكن فـ روحنا المدد
للى هييجى ع الطريق بعدينا
*****
يا مينا يا اسمر يا ابن الحياه الحياه
ياما ناديت م القلب نرفع لمصر الجباه
وانا النهارده مش بأرثيك
أنا بأرثى كل المواجع والمآسى بيك
مصرى شبيه الوطن فى الطلعه
أسمر كما كل آهه فـ كل حاره وحى
شهيد رغم الدموع والشموع
يقيد نشيد الوطن بكل نبض الحى
*****
قالوا اشتراكى النبع والمنشأ
أنا قلت ليه يا زمن على صرختى بتشهق
كل الشباب حسهم للعدل
كل الضجيج والثوره والفوران واقفين قصاد الندل
وقصاد كل اللى ضد المقاصد بالنجاح للشعب .
*****
يا مينا نام
طار الحمام م العش ولا حطش
ولا عُمره يهدا إلا اما تارك يكون
وتبرد نارك فـ الساحه الحلال
ولا عُمره يخلص شريط الكلام
من غير مديح الألْفَه والواقف إمام
يا مينا رد السلام بالسلام
إمام للشهدا من دم ماسبيرو
ولحد شهدا ماجوش ولسّه فى الأرحام
أخوك انا فـ الإنسانيه وصَفّ أول علام
إيه ييجى حرف الشعر جنب الشهاده
وإيه تكون الروح لو نامت وسرحت فى الهواده
للدم كل السياده
وانت شهيد المحبه والفرح والنور
يكفيك تبات مسرور واللى غدر مكسور
*****
حقك عليّا يا مينا ومش عليّا وبس
حقك علينا يا سيدى دين مردود
ولا خوف ولا تعتعه ولا لطمه فوق الخدود
حقك يا واد موجود
وهنعلنه فـ يوم مشهود .. لما تعود
و أخيرا رحم الله شاعرنا طاهر البرنبالي الصوت الشجي الذي ظل يعزف الحانه الشعبية علي حلم الانسان المسكون بالأوجاع و الطامع في الآمال بين مسارات الحياة حتي قدم لنا نموذجا رائعا فني ذات جمال يعكس رؤيته مع المتغيرات فكان نبض الشعب الثائر المتمرد العاشق للجمال و الانطلاق الي عالمه الرحب دائما
مع الوعد المتجدد لتغريدة الشعر العربي أن شاء الله
=============
إرسال تعليق