بصبح وأهني بكل الوسايل / عادل_عوف

بصبح وأهني بكل الوسايل
ع الشهدا اللي ماتوا
والدم اللي سايل
والام اللي صابره
ودمع الرسايل
والأب اللي حاضن
صورة ضناه

والاخ اللي آخر مكالمة معاه
وصاه على أمه واختوه وحبيبته
وقاله سامحني
وماتكونش شايل
عارف بأني في اخر إجازة
وصيتك كتير
واخدتك في حضني وطولت حبه
لأنه الأخير
أبوك اللي ياما شال الامانه ولسه شايلها
وديما بيضحي عشاني وعشانك
عمره ما أهانك
فشيله في عنيك
و أمك تصونها
تبوس لي عيونها
وراسها وايدها امانه عليك
و خليك فى طوعها
وديما تطيعها
اوعى تقاطعها يعيروها بيك
د انت اللي ليها
بعدي وقاريها وهي اللي ليك
والسر اللي بينا
هيفضل ما بينا
ليوم القيامة
حلفتك يا اخويا تصون الامانه
عارف رجولتك وصدقك في قولتك
بأنك مكانى
و انك حمول وديما تقول وتعمل عشاني
يا اخويا وصاحبي
ودمي وحلمي
عمري فداك
وكل القضيه تحفظ بهية
بهية في حماك
#كل_يوم_شهيد #مصر_اغلي_من_عينيكوا #عادل_عوف #اخر_مكالمة_لشهيد

أعجبني

ت