بقلم مصطفى علي عمار
مخبي إيه يا زمن
’''''''''''''''''''''''''''''''''''''''''''''''''''''''''''''''
ياترى مخبيلى إيه تانى
يا زمن
دا أنا تعبت خلاص
من الآهات والآلم
تعبت من كتر الأسية
والشجن
وانحنى ضهرى
من الهموم والندم
وتهت وتاهت مني ضحكتى
بدمعتى
ومعدش ف قلبي مكان
لفرحة ولا نغم
***
مكتوب وصابر أناعلى قسمتي
يمكن ف يوم ارتاح
من الآلم
أوحتى أنفجر
وتنام وتهدا جراحي
من الضنا والسهر
واصبح عدم
****
سنين كتير عشتها في الدنيا
مرت زي الثواني
لكن طعمها علقم
في الأوله كانت صرختي
يوم مولدي
والتانية دمعتي
على خدي علم
م اللي كتب غلب
والمكتوب أتكتب من الأزل
لما كتب ورسم بدمع العين القلم
*****
قولي وصارحني يازمن
أنا اتعودت ع الحزن والآلم
ومتخفش مني مش هقول دا حلم
قول مخبي هم ولا غم
أوع تقولي فرح
مش راح أسدا إن الحلم
يصبح علم
******
حلم حلمته زمان يا زمن
ولسه على بالي
بس ماجانى
نفسى فى يوم أنام مرة
في أيامي بلا دموع
بلا آلم
تعبت والله تعبت ياااازمن
إرسال تعليق