GuidePedia
اكدب علي قلبك ...............2016/12/15
اكدب علي قلبك
قول للعالم انك موش بتحب
اقتل ياللا حبك
وارضى بموت جواك اكبر قلب
ارضي دموعك سايله فيضان عالخد
اقتل شوقك اقطف كل جناين الورد
هتندم يوم انك ضحيت بالحب بجد
لما تلاقي كل ببان النور تسود
اكدب تاني وصدق كدبك الفين مره
عمر الكدب ما يشيل من بقك طعم المره
اوئد ضحكه بترسم شفك
وبالضحكه المغشوشه اتقن غشك
اكدب علي نفسك
موش هيصدق قلبي كدبك
ذل القلب اللي بينبض جواك
جزاته انه عطاك الروح
عاوز تثبت ان قلبك مات
وانه ما بيتالمش م الجروح
اكدب تاني
ارسم وهم طريق اخترته
اصبحت اناني
لما تركت قلبك وكسرته
لما عملت حساب الناس
ودوست فيك علي اجمل احساس
ولغيت القلب الطيب والاخلاص
ورضيت انه منهم ينداس
اكدب موش هصدق فيك
عارفه غصب
وغصب شاريك
مهما روحت او اجيت
انت حب
عمري ما بيه يوم ضحيت
ابعد عن قلبك وانتي بتكدب
وانتي بترسم وهم الضحكه
اجري افرح امرح العب
عمر الاااه ما هي ساكته
الحق دمعه عاوزه تسيل
تفضح كل اساس الكدبه
امسحها بسرعه اوعى تميل
ويبان ضعفك داري الرجفه
اكدب علي قلبك
Top
إرسال تعليق