ساعات
يصعب عليا الشوف
غصب عنى بكون أعمى
وبتمنى اصحى ضميرى جوايا
ال فات له زمان عايش مكفوف
جوه جوف الخوف
شباك من الأحلام
الوهم ساكن جوفنا
لكن الحقيقة مولوده من الأوهام
صحيح الفرح غابت سكته
غير أنه موجود بس عاجز
مخنوق كمان فى حضن كلام
النفس لما اتغربت عن نفسها
تاهت سراديب الأمل
جوه الملل
واتبدلت افلام
فيلم الخوف والندم
فيلم الظلم والألم
وفيلم تالت
هو حقيقة الإنسان
وكيف كان مخلوق من عدم
وازاى وليه بدء القصيده بدم
السهم لما نفذ
كان الفراق حكم
محكوم عليك التوهه حتى عن نفسك
اسمك وشخصك ليك
ومظهرك للناس
خايف تكون أنت
طب صدر الإحساس
عيد الحكايه من البدايه
تعرف سبب الحروب والدم
ولو مهم
نبدأ صحيح من تانى
لازم يكون محور الفكره
العدل بينا أساس
16/12/2016
إرسال تعليق