الشاعرالمصري/احمدابراهيم
********************
يكتب/ وفاض الكيل
**************
وفاض الكيل عيون خايفه
من المجهول
وغول مجنون
بيتمايل بضحكة فرح متشوق
للون الدم يجري بحور
وطفل ذبيح
على الطرقات بياكله الغول
صراخ وعويل
ضياع ووعيد وليل مجنون
وناس تجري ومش عارفه لفين هتكون
دروب حوليها ألفين سور
فرات باكي من إلاوجاع لنهر النيل
جزيرة وخوف
وضرب سيوف
خليج مقفول
دموع فى عيون وغول مجنون
عنيه مشتاقه يوم يهدم هنا الكعبه
وطم الكبري والصغري بيسرقها
وعينه كمان على البحرين
وفاض الكيل غروب دايم
وغول قايم بحد السيف
طريق مجهول على دروبه
حروف بالدم بقبضة غول
هنا بيميل وخوف فى عيون
هنا صرخة وليد خايف
وشيخ عاجز وشعر مشيب
من الأهوال بغدر جبان
وكيل طافح على الأركان
شيطان واقف على الأبواب
وانا الباكي على الأوطان
شروق ضايع وعربي ذليل
فى عتمة ليل
واه يا مصير واه يا مصير
وفاااااااااااااض الكيل
**********************
بقلم الشاعرالمصري/احمدابراهيم
إرسال تعليق