تنادي عليا في الغربة...إبراهيم بدر عبدالله

تنادي عليا في الغربة
سنيني ف غربتي صعبة
انا بلقاني مش عايش
وببقى تملي ع الهامش
بكون مهمول واكون طايش
ماهو انتي الأهل والصحبة
وانا صغير.....
فاكر نشيدك الوطني
وكنت بقوله ف الفسحى
وم يهمش تجوع بطني
ولو عليل بيه بصحى
وسحرك وحده يربطني
وارضك هيا الصلبة
وارددها في اوقاتي
بلادي بلادي بلادي
وانا ف حضنك.....
بتهرب مني مشاعري
وبلقاها هنا ف شعري
ونيلك سر صار سحري
سنيني ف غربتي صعبة
يا نور القلب يا بلادي
يا مطمع للأعادي
يا قصة وعاشها أجدادي
يا حلم بقوله لولادي
يا محفورة ف وجداني
ومن غيرك ماليش صحبة

إبراهيم بدر عبدالله