GuidePedia
نحسبها ازاي والبيعة خسرانة
مليون لسان بيقلها كفاية
================
كرهنا العيشة وكرهنا الهدمة
سممت بدنا ويا اللقمة
==================
قلنا هاتيجي تعدلها المايلة
اتاري كفة ميزانك بايرة
===================
لحد هنا وكفاية جمايلك
متشكرين ولا راح نحايلك
===================
من يوم ماجتنا بطلنا نفكر
شربتنا الشاي من غير سكر
===================
بقينا تايهين ازاي وليه
والسكر غلي وانا احلي بإيه
والضغط علي واشربله انا ايه
=================
اشربله سم واموت انا كافر
من يوم ماجتنا ولسة نعافر
===================
بقينا ماشيين نكلم نفسينا
قلنا جاي ولا حاسس بينا
الكهربا نار وسعرها يكوينا
===============
فينك ياعملة بلدي يا زينة
غرقتي ولا هاتقوم لك قومة
=================
وآدي ولادك هاجروا وسابوكي
ملعون ياعوزة امك وابوكي
=================
ياتري ياغريب بقالك عودة
ولا خلاص ايامك سودة
=================
كنا زمان بنقول دي بلادنا
حسبة غلط وهانقفل بابنا
====================
يمكن ربك يرضي يخليها
ويجيب عاليها علي واطيها
===================
ونرتاح كدا من دي عيشة
خلص الكلام يلا شد الفيشة
!!!!!!!!!!!!!!!!!!!!!!!!!!!!!!!!!!
Top
إرسال تعليق