اهي هيه دي مصر
اللي عشانها نموت
ونصحي عشان نموت
من تاني ف حبها
لو مش حتلاقي لقمه
حناكل من ترابها
ونحلي برملها
وان كانش لينا بيت
نداري تحت حيط
نتغطي بشعرها
ماهي هيه دي مصر
بترد كل ظالم
و ترجع المظالم
للشعب اللي اتظلم
وتحنن اللي هاجر
لما يشوف ع التذاكر
صورة النيل والهرم
يارب مهما سافرنا
في يوم وللا هاجرنا
يارب تحسن ختامنا
ونموت علي ارضها
ماهي هيه دي مصر
بترحب بالغريب وتحطه ف حضنها
وحبه حبه يبقي واحد من اهلها
في الشتا لو يمشي ضيف
قبل ا ماييجي الصيف
بيكون اشتاقلها
ماهي هيه دي مصر
اللي عشانها نجوع
ولو نموت م الجوع
ح نموت ونحبها
ح نموت ونحبها
بقلمي \ شاعر العشاق
مجدي احمد
إرسال تعليق