{{ بنــــــــــت بلـــــــدى }} بقلــــم سالم الشاعر

بنت بلدى وعجبانى----------------------------خطفت قلبى بين لحظه وثوانى
رحت معاها لعالم جميل------------------------------خلانى واحد تانى
عشت العمر تايه-------------------------------مش عارف وطنى ولاعنوانى
بس فى عنيها سكنت---------------------------------ولقيت مأواى ومكانى
ضحكتها نسيم لروحى---------------------------ودمعتها همومى واحزانى
فى حبها بنيت كل قصور الامانى-----------------اللى كل ما أبنيها بيهدها زمانى
عشت الحياه بالفرح والابتسامه---------------------وبقت السعاده بتلون كل ايامى
اسمها محفور فى قلبى ووجدانى--------------------ومن دون الاسماء هو احلى الاسامى
اصلى بحبها ومهنيانى----------------------------وهى كمان عشقانى
لوخيرونى بنيها وبين كل البنات----------------مش هختار حد دى بنت بلدى وعجبانى