{{ أنـــــا بســـــــألك }} بقلــــــم الشاعر جهاد بدر

كام شعره شابت مـ الألم
...........................كام نفس ترضى تكون تمن
كام طلقه سكنت صدرنا

...........................قلب الصغار مليان شجن
كام أب دايب مـ الحنين
...........................أو أم من سوريا لعدن
أو بنت تاهت عـ الحدود
...........................و السبى كان هو التمن
هو الدمار كان فى العراق
...........................ولَّا فى ليبيا و اليمن
أنا باسألك يمكن تشوف
...........................كل اللى تاه وسط المحن
كل اللى ساب وسط التراب
...........................دمه اللى سايل .. أو شَطّن
أو طفل غُلبه لما قال
...........................ها يقول لـ ربه فى العلن
و الصخر يشهد مش محال
...........................لسه مَسيخهُم ما فَتّن
وسط الهدد ضحكة شهيد
...........................و الضحكه لينا و للزمن
أيوا تُرابك يا وطن
...........................لو سِجن قلبى اللى إتسجن
بين الضلوع كل الحنين
...........................و بحب غيرك ما إفتتن
يا غدر دمعك لو يكون
...........................من شهد عمره ما يؤتمن
يمكن بِموت كل اللى مات
...........................كل الفساد شوفناه شطن
وسط الهموم ذاد الأنين
...........................و لَّا أسرتوه فى الكفن
كانت جنازه لشَعر شاب
...........................و لَّا لضهرى اللى وهن
و القدس تاه وسط الأنين
...........................قولوا لضامن جِه ضَمن
القدس تاه وسط الأنين
...........................وللّا الدموع هى التمن
القدس تاه وسط الأنين
...........................يا دمع مين اللى ضَمن
**....................**.....**.....................**