{{ أمــــــــــى }} بقلـــــم المهدى العمرى

أُمِّي كْلْمْةْ خِيرْ وْ سْلاَمْ
أُمِّي تْرْوِينِي بْ الْأَحْضَانْ
بِهَا تْحْلَى الأَيَّامْ
ضْمِّينِي أَحْلَى ضْمَّة
أُمِّي بِكْ نْسْمَا
مْعَاكْ أَمَانْ وْ حْمَى
تّْرّْفْعْ بِكْ الْهْمّة
الْأُمّْ مْكَانْهَا فْ الْقِمَّة
مْنْ رْبِّي رْحْمَة وْ نْعْمَة
رَمْزْ السِّلْمْ وْ السَّلاَمْ
غَالْيَة فْ كُلّْ مْكَانْ وْ زْمَانْ
أُمِّي تْشْرْقْ بْ بْسْمَة
تْخْلِّينِي نْطِيرْ وْ نْجُولْ
فُوقْ أَرْضْ وْ سْمَا
نلْقَى كُلّْ الْحُلُولْ
لْ حْيَاتِي تْنْهِي ظْلْمَة
أُمِّي أُسْطُورْةْ حُبِّي
أُمِّي رُوحِي وْ قْلْبِي
نْهْزْمْ ظُلْمِي وْ ظْلاَمِي
لَمَّا تْكُونْ مْعَايَ
تْمْحِي ذُلِّي وْ أَوْهَامِي
حَنَانْهَا أَعْظَمْ آيَة
أُمِّي أُمِّي أُمِّي
نْظْرْتْكْ تْعْزْفْ أَنْغَامْ
أُمِّي أُمِّي أُمِّي
بْ حُبّْكْ تْطْفَى الأَحْزَانْ
دْوَايَ فْ طُفُولْتِي وْ شْبَابِي
انْتِي أَغْلَى أَحْبَابِي
دِيمَا طِفْلْ لِيكِي نْبَانْ
وَاخَا رَانِي نْصِيرْ
بْ عْكَّازِي وْ شِيبِي
نْكُونْ ضَايْعْ نْعُودْ لْ أَحْضَانْكْ
يْتْقَاضَى فْ الدّْنْيَا عْذَابِي
الأُمّْ نْغْمَة فْ كْلاَمْ
الأُمّْ شِفَا الأَوْطَانْ
الأُمّْ نَبْعْ الْخِيرْ
تْعْزْفْ بْ الْحَنَانْ أَلْحَانْ
الْجْنَّة تْكُونْ لِيهَا
رَاكْعَة تْحْتْ الأَقْدَامْ
إِيلاَ رْبَّاتْ وْ تْعْبَاتْ
وْ عْبْدَاتْ الله الرّحْمَانْ.