{{ فيـهــــــــا ايـــــــه }} كلمات الشاعرة فاطمة السيد

فيها ايه لو منــي تزعل

نتناقش ب الهـــــــــداوه
والود ما بينا يســــــري
من غير ماتصير عداوه
نحكي ونقول ونشــــرح
ما نقلب في اللـــي راح
وقلوبنـــا فينا تســـــرح
تتعجب ع الغــــــــلاوه
تتعجب ع الغـــــــــلاوه
*******
بالكلمه الحــلوه تملــك
قلبي وعقلي وروحـــي
ولا أكشر منك أزعـــل
وأنسي وياك جروحـي
*******
ما أنا منك وأنت منــي
وحقيقي هواك شاغلني
لو عينك جت ف عيني
تلاقيك قاعد في النني
*******
خلي قلبك مسامـــــح
يكبر فيه الحب طارح
ولا يعرفش المـــــلام
أفرح أول ما أشـــوفك
ويبانلي عليا خوفـــــك
مش نظـــره والســـلام
*********
ليه تبــــدأ بالخصــــام
ونقابـــــل بعضنــــــــا
وأدينـــــا منا تشكـــــي
وقلوبنـــــا مسلمـــــــه
******
دا الود ف قلبي باقــــي
ولا ها أوصفش اشتياقـي
أصلك علي القلب غالـي
مهمـــا منــــك بلاقــــي
******
عارف لما تخاصمـني
بالي المشغول يفكـــــر
أبكي وأقــول ظالمنــي
تشتاقلك روحي أكتــــر
******
وساعات أحلف لا أفوتك
يـنــده عليـــا صوتــــك
يواسيني في وحدتــــــي
منك يصعـب عليـــــــــا
يمسح دمـــوع عنيــــــا
وأداري لشكوتـــــــــي
********
وأظن أن أنت عــارف
وبعينك حالـــي شايــــف
لو زعلك طال معايــــا
أبقي حيران وخايـــــف
******
لا السهد يزور عنييــــا
وحدي آآسي ف ليلـــــي
وتعيش فرحان لوحــــدك
وخصامنا يطول وويلــي
********
فيها ايه لو منـي تزعـل
نتناقش ب الهـــــــــداوه
والود ما بينا يســــــري
من غير ماتصير عداوه