قصيدة ( أحزان لا ترحل )
الشاعر / عاطف عمر
لو بتفكر تبئا أناني....مين المجني و مين الجاني.
فكر وابعد.....ناوى أيه تاني...قبل ما اصحي من احلامي.
ليه بتجدد فى الاحزان كل ما ترحل.
ليه بتدور فى البستان على حاجه بتفشل.
انا كنت الزهره اللى فى قلبك.ممكن أشمل.
اجمع كل عطور العالم الكوكتيلي من غير معمل.
كنت الحائل بين القلب وبين الخنجر.
كنت ببيع الحب انا لك....من غير متجر.
كنت اشرب قهوتي وياك من غير سكر.
كنت بحلي بقبله فاك(١) الشهد مكرر.
كنت أما آصحي من النوم أفكر فيك.
كنت بفكر طول اليوم ازاى ارضيك.
كنت بتخطأ..وبسامحك من غير ما أقولك وحكيك.
كنت لما بتغضب مني...ادعيلك ربنا يهديك.
ولما بتمرض كنت أصلي..وادعيلك الله يشفيك.
آيوه كنت بشوف الروح تخرج مني...وانتي ظالمني.
وانتي بتتكلم مع غيري...وبتضحك...والقهر قاتلني.
كنت اكيد تقصد تقهرني...من الغيره تقصد تفتني.
بس انا عارف ...ممكن ترهني..أنك بس انتي اللى فهمني.
ارجع لضميرك من تاني...لا تعيش على طول دور الجاني.
الايام بتفوت كالبرق...ممكن يوم لا تكون قدامك ولا قدامي.
ارجع قبل ما يجي اليوم ..ترحل أحلامك واحلامي.
ارجوك ...ارجع...
وانا مش راح اعاتبك ولا هسأل..ولا راح أرجع يوم فى كلامي.
==========================
معاني الكلمات :
١- فاك : المقصود به الفم الصغير الذي يشبه لون الكرز الاحمر
إرسال تعليق