{{ فاكره حاجه من حروفى }} بقلم سيد عبد العليم

فاكره حاجه
من حروفي
فاكره خوفي
عليكي
و بشتي الطرق
كنت اخاف
للحرف يجرح
ضحكتك
كنت أخاف
لقصيدة
تزعل م الورق
تنزل دموعك
سيل غرق
نوصل حدود
البعد
نلقي المفترق
عرفتي مين
اللي كدب
و اللي صدق؟
و اللي زرع
و الي حصد
و اللي سرق
و اللي انسرق
و هييجي يوم
و هتعرفي
كل اللي خانك
و اللي هانك
و اللي باع
و اللي حرق
و هتفضلي
دائما حبيبتي
رغم كرهك
للقصايد
و الأرق
و ارقيكي من عين
الحسود
بمحبتي
و الكهف و الاخلاص
و اختم بالعلق