يام العيال قوليلي
الهم هد حيلي
وويلي بيغلب ويلي
لما النهار بيسهر
بيرزل ليه على ليلي
ازاي يام العيال
حقيقتي تصير خيال
اعبي الضل ف كمي
واسهر مع الضلال
لما الحقيقة تهرب
تخفي الجمال بشال
موالي مرة يسأل
ويقول مليون سؤال
بقعد تاخدني توهة
ودماغي تنسى مخي
وانسى الهموم تجيني
ياهمومي ليه ترخي
عينك بتقولي مالك
قلبك يقولي اهدا
من بين مليون حكاية
حكايتي مش حكايتي
أنا حالي احتار معايا
الفرخة خلاص بتولد
والنعجة بقت تبيض
والكلمة ليه بتعند؟
حتى النهار يحيض
والدم يبقى... ماية
وبتجري في الوريد
يكونش العيب دا فيا؟
ولا العيب ف العبيد
يا عباد الله ليه توهتوا
والحق ليه.....شهيد
ابراهيم بدر عبدالله
إرسال تعليق