يا طالع الشجرة ............
قرب من القمرا
دا القمر عالى
والسهره تحلا لى
ياسلام لو الغالى
يتوضى بوصالى
هتوضى بالقمرا
وهغنى موالى
يا طالع الشجرة
قرب من القمرا
قربلى خلانى
دا حبيبتى وحشانى
عشقتها السمرا
وعيونها وخدانى
انا كنت فى الضلمه
مخطوف ووحدانى
وطلعت القمرا
ونورها غطانى
انا اصلى مثل الليل
فى الحب جوانى
وحبيبى مثل النيل
وجوده قوانى
خدنى وودانى
بحر الهوى قادر
والهجر موت غادر
وغرقت لودانى
يا طالع الشجره
اقطف لى كام زهره
أهديها خلانى
دا هواها خلانى
سكران من القمرا
والخمرا ف لسانى
اه يا قمر عالى
بيغللى فى الغالى
قرب وغنيىلى
قربنى من نيلى
النسمه بتهفهف
وتلف وتجيلى
تشرب وتسقينى
فى كفها الميه
بتزيدنى حنيه
تسمع موا ويلى
هفهف علينا الليل
نسيم يشفى العليل
الهفهفه لفت
دارت على شمالى
لما العروق جفت
م البعد يا غالى
الهفهفه لفت
دارت على يمينى
نادت محبينى
لوتظهر القمرا
بالحب تسقينى
اشربها من كفك
تشربها من كفى
ارويك وتروينى
تسكن شرايينى
يا طالع الشجره
ارميلى حبه نور
قبل القمر ما يدور
ويدور علينا الدور
ويغيبوا عن عينى
............ رشاد الدهشورى
إرسال تعليق