من المفارقات الغريبه عندما تسعى جاهدا لتغيير وضع معين وتمر الأيام والسنوات لتجد ذلك الوضع مفروضا عليك.
هذه القصيدة كتبت فى 18/10/2010م
والآن أعلنها.
# حكاية _ حياه #
كل الاجنه شكل واحد
فى البدايه
نفس الطريق مرسوم
لحد الولاده
فرق التعثر والسهولة
عمره ما كان فرق
كلنا واحد
فى الرحم جوه المشيمة
لا فيه عبيد ولا ساده
نفس المصير محتوم
غير بس يمكن فيه آباء
بتعتنى زياده
بنخرج من ظلام النور
لدنيا كلها سوده
أول دقيقه حياه
بترسم كل شكل ولون
وازاى يكون
الفقر ولا الغنى
هي ظروف مولود
هتصاحبه كالعاده
سياسة الدنيا
بتلون الأفكار
والظلم لما جار
خلى الفقير ف احزان
والغنى بيرسم سعاده
هنا فوق ترابك الطاهر
كل البشر عايشه مظاهر
وال ظاهر أنهم مساكين
عايشين لجل لقمة عيش
رافضه الكروش
توقيع قلمها
كفايه بزياده
لتقلى حقى ولا عايز
جايز تكون صح
بس خلاص بح مفيش
وأحمد ربنا إن أنت
لاقى العيش
متقلش حقى هنا
دا عندنا بكشيش
وكأننا فى غابه
ناسيه الديابه
أنها منا
شغاله نهب وسرقه
جمعت حزام إبليس
وتكونت فرقه
هما ال فوق صاحيين
علشان يحافظوا على التركه
أصرخ وعلى الصوت
وأجرى وهد الحيل
هتشوف العذاب والويل
مقفله السكه
يلا بقى خد عندك
واستحمل ال يجرى
متجيش تتبكى
كل الكلام صادم
ومعدش فى فكه
لتكون واحد مننا
لتعيش سجين الألم
وتفارق الضحكه
ملعون ابوكى يا .........
لما تقبلى الفرقه
# الطيب _ عوض _ أحمد
إرسال تعليق