الفرحة .. بقلم / بهاء اللبودي

الفرحة 
*****
الفرحة تمنها بيتغير 
من جيل للتالى 
بلّونة فإيد طفل صغير
يضحك ويعلّى
وعروسة شاب ويتستر
يرقص و يغنى
****
وهدية جدة لأحفادها
كيكة افوكادو
حدوتة جدو لاحفاده
تظبطلوا مزاجو
فنجان القهوه والسكر
بيحبها مانو
*******
طب ليه الدنيا نصعّبها
ونعيش فعذابها
كذا أى حقيقة نشقلبها
ونهدم فأساسها 😉
ده العمر يعدى و نتألم
وكأنها ساعة
واحنا ولا يمكن نتقدم
بالحزن مساحة
اركز يا معلم واتعلم
تركب مرجيحه .
**
وتملى الفرحة تكون أغلى
وانت بتعانى
والدمعة النازله تكون ادفى
عالخد تنادى
دى الفرحة تمنها بيتغير
من جيل للتالى !!
و
انا نفسى فمره ابقى صغير
مش هكبر تانى ..
**★**
بهاء اللبودى