بقلم \ الشاعر حربي علي

أغنية
(قلب ملايكه)

قلب ملايكه وعايش بيه
قلبي الحلو إسمالله عليه
حبيب القلب ومين قده
جواه الحب وعلى خده
شامه سمارها تنور ليه

إدانى وخد إحساسى معاه
بحلف والله ماقلت الآه
أدانى الشوق بحنان الكل
الرمش الأسمر بص وطل
رفعنى فوق السما والطل
فوق الكل بكف إيديه
قلب ملايكه وعايش بيه

نفسى أديك الدنيا وأكتر
كل شبابى الحلو الأخضر
وأشرب منك عمرى الجاى
قبلك عمرى مكنش معاى
فكرني بعد ماكان نساى
وملكت الكون وقلبك فيه
قلب ملايكه وعايش بيه
قلبي الحلو إسمالله عليه

كلمات
حربي علي
شاعرالسويس