كام شعره شابت مـ الألم
...........................كام نفس ترضى تكون تمن
كام طلقه سكنت صدرنا
...........................قلب الصغار مليان شجن
كام أب دايب مـ الحنين
...........................أو أم من سوريا لعدن
و بنت تاهت عـ الحدود
...........................و السبى كان هو التمن
هو الدمار كان فى العراق
...........................ولَّا فى ليبيا و اليمن
أنا باسألك يمكن تشوف
...........................كل اللى تاه وسط المحن
كل اللى ساب وسط التراب
...........................دمه اللى سايل ما شَطّن
و طفل غُلبه لما قال
...........................ها يقول لربك فى العلن
و الصخر يشهد مش محال
...........................لسه مَسيخهُم ما فَتّن
وسط الهدد صرخة شهيد
...........................أو ضِحكه لينا و للزمن
أيوا تُرابك يا وطن
...........................لو سِجن قلبى اللى سَجَن
بين الضلوع كل الحنين
...........................و بحب غيرك ما إتسجن
إبكى دموعك لو تكون
...........................أو سيبها يمكن تؤتمن
يمكن بِموت اللى رحل
...........................كل الفساد شوفته إندفن
وسط الهموم ذاد الأنين
...........................و لَّا أسرتوه فى الكفن
كانت جنازته لشعر شاب
...........................و لَّا لضهرى اللى وهن
و القدس تاه وسط الأنين
...........................و مين يا ضامن جِه ضَمن
**....................**.....**.....................**
القدس تاه وسط الأنين
...........................و مين يا ضامن .. جِه ضَمن
.. أنا باسألك .. كلمات .. #الشاعرجهادبدر ..
إرسال تعليق