الناس بتجرى ورا الفلوس كلمات اسامة فؤاد حنا
الناس بتجرى ورا الفلوس
والطمع ملا كل النفوس
والغنى مش شبعان ابدا
وكل همه ف زيادة ماله
واحد يبص للى ف ايد غيره
ناسى ربنا ودايما ينكر خيره
مهما المولى يوهبه ويديه
مايبطلشى ابدا يشتكى حاله
والقوى بياكل ف الضعيف
مستخصر فيه حتى الرغيف
والقلوب صارت حجارة
هو البشر ايه جراله
اللى يعاير غيره على الفقر
ويخطف لقمته زى الصقر
ولا يهمه ان كان جعان
او عايز يشترى دوا لعياله
و اللى بيفترى على الناس
ولا عنده دم ولا احساس
علشان عنده شوية صحة
ايه ها يعمل لو المرض طاله
وواحد فاكر انه مش هايموت
واخد الدنيا بعلو الصوت
وبياكل ويستحل مال اليتامى
وفاكر ان الدنيا دايماله
وواحد بيدوس على الغلابة
ايه نهايته لو الموت جاله
والكل نسيوا ان ربنا شايف
وفين هنهرب من سؤاله
إرسال تعليق