عودة هريدي
اااااااااااااااا
هريدي رجع البلد ولبس
من تاني جلبيته
مشي مكسور ف وسط
الزرع ولا حودش على بيته
ولا بصش على ناسه
واول حاجة شاف غيطه
ولمحني ف وسط الزرع
وشاورلي بطاجيته
ااااااااااااا
جري عليه وحضني
معاه الهم متغمي
وجاللي خلاص اهي توبة
وسامحني ياواد عمي
وبلاش تعاتبني وتلومني
وترجع ياخوي همي
مهي الخيبة مفارجتنيش
وصاررها انا ف كمي
وانا حاصرخ ف وسط الغيط
واجول ياخلج اتلمي
وسامحني ياواد عمي على
الخيبة انا اللي كنت متغمي
وياريت تاخدني جوه الدار
عشان ابوس ايدين امي
ااااااااااااا
خدتني التوهه ياواد عمي
وصحاب السؤ خذلوني
وهملت البلد والطين
وكل الخلج لاموني
وعشت وسط ناس جاسين
جسو عليه وهانوني
رجعتلكم وانا ندمان
ياريت ماتكونو نسيتوني
حاشيل الطين عشان امي
واعيش وسط اللي ربوني
خلاص اهي توبة م النوبة
ولا تبكيش ياعيوني
اااااااااااااااااااا
جبريل رضوان
إرسال تعليق