بكوا الناس ولا ضحكونش***بقلـــــم: عـــــادل الشــــــهـــابى

***** بكوا الناس ولا ضحكونش*****
آه يا زمن فيك الناس بكوا ولا ضحكوش ..
هى ناسك يا زمن بنى آدمين ولا وحوش ..
والضعيف فيك عن نفسه مش قادر يحوش ..
يا زمن فيك نزلت دموع عنينا ....
ولا فى يوم يا زمن حنيت علينا ...
عايشين فيك ولكن مش بأدينا ..
أقسى كمان وهات حزنك لينا ..
ليه فيك الضحك رايح وناسينا ..
خلاص يا زمن ده الهم هدنا ..
وكبرنا فيك يا زمن عن سننا ...
و كل شىء أخدته مننا ..
والبسمه غابت كمان عن وشنا ..
يا زمن فيك عايشين غلابه ..
تجرح فينا ونقول مجرد سحابه ..
أتضح أننا فيك عايشين فى غابه ..
وانت يا زمن ما يسكنك الا الديابه ...
ليه الدموع منك هى نصيبنا ..
الفرح يعدى والحزن هو اللى يصيبنا ..
حتى فيك خسرنا كل حبايبنا ..
صدرى منك خلاص ضاق ..
محدش فيك عنده وفاء ...
يا زمن بالراحه على الناس شويه ...
الناس غلابه ومشتاقين للحنيه ..
يا ريت يا زمن كان فيه حاجه بأديه ..
لكان حد طلب ولا أترجى فيا ...
يا زمن فيك كل شىء خلاص مابحبوش ..
ده الناس بكوا فيك يا زمن ولا ضحكوش ..
خلاص بقا يا زمن الوحوش ....
بقلـــــم: عـــــادل الشــــــهـــابى